University of Kerala

Announcements

News

ശ്രാവണ പൗർണമി വിശ്വസംസ്കൃത ദിനമായി ലോകമെമ്പാടും ആഘോഷിക്കപ്പെടുകയാണ്. വിശ്വ സംസ്കൃത ദിനത്തോടനുബന്ധിച്ച് കേരള സർവകലാശാലയുടെ വേദാന്ത പഠന കേന്ദ്രത്തിന്‍റെ ആഭിമുഖ്യത്തിൽ സംസ്കൃതവും ഭാരതീയ വിജ്ഞാനപരമ്പരയും (Sanskrit and Indian Knowledge Systems) എന്ന വിഷയത്തിൽ ദേശീയ സെമിനാർ സംഘടിപ്പിക്കപ്പെടുന്നു .2023 ആഗസ്റ്റ് 16 മുതൽ 18 വരെ കേരള സർവകലാശാലയുടെ പി.എം.ജി.യിലുള്ള സ്റ്റുഡന്‍റ് സെന്‍റർ ഹാളിൽ വെച്ച് നടത്തപ്പെടുന്ന ഈ വിചാരസത്രത്തിന്‍റെ സമുദ്ഘാടനം നിർവഹിച്ചു മുഖ്യപ്രഭാഷണം നടത്തുന്നത് ചിന്മയ ഇന്‍റർനാഷണൽ ഫൗണ്ടേഷൻ അക്കാഡമിക് ഡയറക്ടർ ആയ ഡോ. ഗൗരി മാഹുലിക്കർ അവർകളാണ്. ഭാരതത്തിന്‍റെ വിവിധ ഭാഗങ്ങളിൽ നിന്ന് എത്തിച്ചേർന്ന പണ്ഡിത ശ്രേഷ്ഠന്മാർ ഭാരതീയ വിജ്ഞാന പരമ്പരയിലെ പ്രമുഖ വിഷയങ്ങളിൽ പ്രബന്ധങ്ങൾ അവതരിപ്പിക്കുന്നു. സെമിനാറിന്‍റെ സമാപന സമ്മേളനത്തിൽ മുൻ ചീഫ് സെക്രട്ടറിയും കവിയും എഴുത്തുകാരനും ആയ വി. പി. ജോയ് ഐ.എ.എസ്. മുഖ്യാതിഥിയായി പങ്കെടുക്കുന്നു.ആയതിനോടനുബന്ധിച്ച് കേരള സർവ്വകലാശാലയുടെ ബയോഇൻഫർമാറ്റിക്സ് വിഭാഗം മേധാവി ഡോ.അച്യുത് ശങ്കർ എസ്. നായർ അവതരിപ്പിക്കുന്ന സംസ്കൃത സംഗീത മാലികയും പണ്ഡിത സമാദരണവും ഉണ്ടായിരിക്കുന്നതാണ്.കൂടുതൽ വിവരങ്ങൾക്ക് താഴെപ്പറയുന്ന നമ്പറുകളിൽ ബന്ധപ്പെടുക.9048479643, 8921590424,9446409 | Posted on : 14.08.2023 02:51 PM

‘ഭാഷയ്ക്കൊരു ഡോളര്‍' പുരസ്കാരത്തിന് പ്രബന്ധങ്ങൾ ക്ഷണിക്കുന്നു കേരളസർവകലാശാല, അമേരിക്കന്‍ മലയാളി സംഘടനകളുടെ ഫെഡറേഷനായ 'ഫൊക്കാന' യുമായി ചേർന്ന് നൽകുന്ന 'ഭാഷയ്ക്കൊരു ഡോളര്‍' പുരസ്കാരത്തിന് അപേക്ഷകൾ ക്ഷണിക്കുന്നു. 2021 ഡിസംബർ 1 മുതൽ 2022 നവംബർ 30 വരെയുമുള്ള കാലയളവില്‍ കേരളത്തിലെ സർവകലാശാലകളിൽ നിന്നും മലയാളഭാഷയിലും സാഹിത്യത്തിലും പിഎച്ച്.ഡി. ലഭിച്ചവർക്ക് പ്രബന്ധം അവാർഡിനായി സമർപ്പിക്കാം. 50,000/- രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം. സമ്മാനാർഹമാകുന്ന പ്രബന്ധത്തിന്റെ മാർഗദർശിക്ക് 5,000 രൂപ സമ്മാനമായി നൽകും. അപേക്ഷകരുടെ പിഎച്.ഡി. പ്രബന്ധങ്ങൾ മാർഗദർശി സാക്ഷ്യപ്പെടുത്തിയിരിക്കണം. പ്രബന്ധത്തിന്റെ ഒരു കോപ്പിയും പ്രബന്ധത്തിന്റെ സി.ഡി. അപേക്ഷയ്ക്കൊപ്പം സമർപ്പിക്കണം. അപേക്ഷ സ്വീകരിക്കുന്ന അവസാന തീയതി 2023 ഫെബ്രുവരി 28 വൈകിട്ട് 5 മണി വരെ. അവാർഡിന് അർഹമാകുന്ന പ്രബന്ധം സർവകലാശാല പ്രസിദ്ധീകരണവിഭാഗം പുസ്തകരൂപത്തിൽ പ്രസിദ്ധീകരിക്കുന്നതാണ്. അപേക്ഷകള്‍ നേരിട്ടോ തപാലിലോ ലഭിക്കേണ്ട വിലാസം: രജിസ്ട്രാര്‍, കേരളസർവകലാശാല, പാളയം, തിരുവനന്തപുരം -695034. അവാർഡിന് അർഹമാകാത്ത പിഎച്ച്.ഡി. പ്രബന്ധങ്ങൾ അപേക്ഷകർക്ക് സർവകലാശാലയിൽ നിന്ന് തിരികെ കൈപ്പറ്റാവുന്നതാണ്. | Posted on : 06.02.2023 11:48 AM

സാമൂഹിക, സാംസ്കാരിക, സാമ്പത്തിക, വിദ്യാഭ്യാസ,ആരോഗ്യമണ്ഡലങ്ങളിൽ വർത്തമാനകേരളം നേരിടുന്ന പ്രതിസന്ധികളും അവയ്ക്കുള്ള പരിഹാരങ്ങളും വിശകലനം ചെയ്യുന്ന പ്രതിവാര വെബ്ഭാഷണപരമ്പര കേരളസർവകലാശാല കേരളപഠനവിഭാഗം സംഘടിപ്പിക്കുന്നു. ശാസ്ത്രം,സാമ്പത്തികം, നിയമം, മനശ്ശാസ്ത്രം, ഭാഷ, സാഹിത്യം, വിദ്യാഭ്യാസം തുടങ്ങിയ ജ്ഞാനമേഖകളിലുള്ള കേരളത്തിന്റെ തനതു വിജ്ഞാനശേഖരങ്ങളുടെ വിശകലനവും വർത്തമാനസമൂഹത്തിൽ അവ ആവശ്യപ്പെടുന്ന പരിഷ്ക്കരണങ്ങളും പുതിയസാഹചര്യത്തിൽ അവശ്യം വേണ്ട പുതിയജ്ഞാനമേഖലകളും വെബ്ഭാഷണങ്ങളിൽ ചർച്ചചെയ്യപ്പെടും. ഇത്തരം ഒരു വിജ്ഞാനനിർമ്മിതി നടത്തുന്നത് കേരളസർവകലാശാലയുടെ വിവിധ വകുപ്പുകളിലെ അദ്ധ്യാപകരാണ്. വെബ്ഭാഷണങ്ങൾ മലയാളത്തിലായിരിക്കും. സർവകലാശാലാതലങ്ങളിൽ നടക്കുന്ന ജ്ഞാനനിർമ്മിതി മാതൃഭാഷയിലാകണം എന്ന ആശയത്തിനും ഈ ഭാഷണപരമ്പര പ്രാധാന്യം കൊടുക്കുന്നുണ്ട് വെബ്ഭാഷണപരമ്പര, ബഹു.കേരളസർവകലാശാല വൈസ് ചാൻസലർ ഡോ.വി.പി.മഹാദേവൻ.പിള്ള 16/06/2021 രാവിലെ 11ന് ഗൂഗിൾമീറ്റിലൂടെ ഉദ്ഘാടനം ചെയ്യും. ജിയോളജി വിഭാഗം അദ്ധ്യാപകൻ ഡോ.ഷാജി ഇ., ആദ്യപ്രഭാഷണം നിർവഹിക്കും (വിഷയം: കേരളത്തിലെ ജലസ്രോതസ്സ്- അറിവും അറിയേണ്ടതും) ഡോ.സി.ആർ.പ്രസാദ്, അദ്ധ്യക്ഷൻ, കേരളപഠനവിഭാഗം Click here | Posted on : 15.06.2021 06:20 PM

കൊവിഡ് എന്ന മഹാമാരിയുടെ രണ്ടാം തരംഗത്തിലൂടെ കടന്ന് പോകുകയാണ് ലോകജനത. ശാസ്ത്ര- ഗവേഷണ മേഖലയാകെ തന്നെ കൊവിഡ് രോഗത്തെ നിർമാർജനം ചെയുന്നതിനു വേണ്ടിയുള്ള പരീക്ഷണ- നീരീക്ഷണ ഘട്ടങ്ങളിലൂടെ കടന്നുപോകുന്നു.വാക്സിനുകളുടെ കണ്ടുപിടുത്തവും അതിൻ്റെ പ്രയോഗത്തിലൂടെയും രോഗാണുവിൻ്റെ വിനാശകരമായ പ്രവർത്തനത്തിൽ നിന്ന് മോചനം നേടുന്നതിനെപ്പറ്റിയുള്ള പഠന - ഗവേഷണങ്ങൾ നടന്നുകൊണ്ടിരിക്കുകയാണ്. പുത്തൻ സാങ്കേതിക വിദ്യകളുടെ വികാസത്തോടെ പലവിധ അസുഖങ്ങളുടെയും രോഗനിർണയത്തിനും , ചികിത്സാരീതികളിലും " ഒമിക്സ് " അടിസ്ഥാനമാക്കിയുള്ള മാർഗങ്ങൾ സ്വീകരിച്ച് വരുന്നുണ്ട്. ചിലവേറിയതും ,ചികിത്സിച്ച് മാറ്റുവാൻ ബുദ്ധിമുട്ടുള്ളതുമായ പല അസുഖങ്ങൾക്കും ഉപകാരപ്രദമായ രീതിയാണ് "റീജനറേറ്റീവ് മരുന്നുകൾ '' അവലംബിക്കുന്നത്. രോഗബാധയുള്ള കോശങ്ങൾ, കലകൾ, അവയവങ്ങൾ എന്നിവയെ നന്നാക്കുന്നതിനോ, പുനരുജ്ജീവിപ്പിക്കുന്നതിനോ വേണ്ടി മൂലകോശങ്ങൾ ,ബയോ മെറ്റീരിയലുകൾ എന്നിവയെ ഉപയോഗപ്പെടുത്തുകയാണ് റീജനറേറ്റീവ് മെഡിസിനിൽ ചെയ്യുന്നത്.ലോകമാകെ വ്യാപിച്ച കൊവിഡ് എന്ന മഹാമാരിയുടെ പാശ്ചാത്തലത്തിൽ "ഒമിക്സിൻ്റെയും, റീജനറേറ്റീവ് മരുന്നുകളുടെയും പ്രസക്തിയെപ്പറ്റി സംവദിക്കുകയാണ്‌ കേരള സർവകലാശാല സുവോളജി വിഭാഗത്തിൻ്റെയും, അഡ്വാൻസ്ഡ് സെൻറർ ഫോർ റീജനറേറ്റീവ് മെഡിസിൻ ആൻ്റ് സ്റ്റെം സെൽ റിസർച്ച് ഇൻ ക്യൂട്ടേനിയസ് ബയോളജി(Ac REM - Stem)യുടെയും നേതൃത്വത്തിൽ 2021 ഏപ്രിൽ 22 മുതൽ 24 വരെ നടക്കുന്ന " അന്തരാഷ്ട്ര സെമിനാറിലൂടെ ഉദ്ദേശിക്കുന്നത്. ലോകപ്രശസ്തരായ ശാസ്ത്രജ്ഞൻമാരുടെ പ്രഭാഷണങ്ങളും, നിരവധി അദ്ധ്യാപക - വിദ്യാർത്ഥികളുടെ പ്രബന്ധ അവതരണങ്ങളും വെബിനാറിലൂടെ അവതരിപ്പിക്കപ്പെടുന്നു. മുഴുവൻ അക്കാദമിക- അക്കാദമി കേതര സമൂഹത്തെയും ഈ പരിപാടിയിലേക്ക് ക്ഷണിച്ച് കൊള്ളുന്നു . | Posted on : 22.04.2021 04:02 PM

കേരള സർവകലാശാല കോവിഡ്-19 പശ്ചാത്തലത്തിൽ സന്ദർശന നിയന്ത്രണം ഏർപ്പെടുത്തിയ സാഹചര്യത്തിൽ വിദ്യാർത്ഥികൾക്ക് സർവകലാശാല സേവനങ്ങൾ തടസ്സം വരാതിരിക്കാനായി അതതു പരീക്ഷാവിഭാഗങ്ങളുമായി രാവിലെ 10.30 മുതൽ വൈകിട്ട് 5.00 മണി വരെ താഴെക്കാണുന്ന ഫോൺ നമ്പറുകളിലും, ഇ-മെയിൽ വിലാസങ്ങളിലും ബന്ധപ്പെടാവുന്നതാണ്. ഫോൺ- 9188526674, 9188526670 ഹെൽപ്പ്ഡെസ്ക് ഇ-മെയിൽ വിലാസം - examhelpdesk1@keralauniversity.ac.in, examhelpdesk2@keralauniversity.ac.in മറ്റ് സേവനങ്ങൾക്ക് സി.ബി.സി.എസ്.എസ്.(ഡെപ്യൂട്ടി രജിസ്ട്രാർ) - 0471-2386104, ബി.കോം.(അസിസ്റ്റന്റ് രജിസ്ട്രാർ)- 2386389, ബി.എസ്.സി.(അസിസ്റ്റന്റ് രജിസ്ട്രാർ)- 2386256, ബി.എ. (അസിസ്റ്റന്റ് രജിസ്ട്രാർ)- 2386424, ബി.എ. സെക്ഷൻ- 2386390, 2386351, ബി.എ., ബി.എസ്.സി. ആന്വൽ (അസിസ്റ്റന്റ് രജിസ്ട്രാർ)-2386254 ബി.കോം. ആന്വൽ സെക്ഷൻ- 2386473, ബി.ടെക് (പഴയ സ്കീം)- 2386257, ബി.എ (ആന്വൽ) (ഇ.ഡി. I) സെക്ഷൻ - 2386350, 2386436, ആന്വൽ സ്കീം - 2386438, 2386433, റീവാല്യുവേഷൻ സെക്ഷൻ- ബി.എസ്.സി./ബി.കോം.- 2386457, ബി.എ. – 2386346, ഇ.ജെ. IIIþ2386243, എം.ബി.എ.- 2386352. വിദ്യാർത്ഥികൾ പരമാവധി ഓൺലൈൻ സേവനങ്ങൾ പ്രയോജനപ്പെടുത്തണമെന്ന് പരീക്ഷാകൺട്രോളർ അറിയിച്ചു. | Posted on : 24.09.2020 04:07 PM

ഔട്ട്‌ലുക്ക് ഇന്ത്യൻ യൂണിവേഴ്സിറ്റി റാങ്കിങ്ങിൽ 814 .24 സ്കോർ നേടിയ കേരള സർവകലാശാല ദേശീയ തലത്തിൽ പതിനെട്ടാം സ്ഥാനം നേടി. കേരളത്തിലെ സർവകലാശാലകളിൽ ഒന്നാം സ്ഥാനം കേരള സർവകലാശാലയ്ക്കാണ്. ദേശീയ തലത്തിൽ ഐ .ഐ. എസ് സി. ബാംഗ്ലൂർ ആണ് ഒന്നാം സ്ഥാനത്ത് .സംസ്ഥാന സർവകലാശാലകളുടെ പട്ടികയിൽ മികച്ച 70 സർവകലാശാലകളിൽ കേരള സർവകലാശാല ആറാം സ്ഥാനം നേടി. ഇന്ത്യയിലെ പ്രമുഖ ഉന്നത വിദ്യാഭ്യാസ സ്ഥാപനങ്ങൾക്കൊപ്പം മത്സരിച്ചാണ് ഈ നേട്ടം സ്വന്തമാക്കിയത്. അക്കാദമിക, ഗവേഷക മികവിൽ 344.28 പോയിന്റും ഇൻഡസ്ട്രി ഇന്റർഫേസ് ആ ന്റ് പ്ലേസ്മെന്റ് മികവിൽ 158 .65 പോയിന്റും അടിസ്ഥാന സൗകര്യവികസനത്തിൽ 112.11 പോയിന്റും ഭരണ മികവിൽ 123.42 പോയിന്റും ഔട്ട് റീച്ച് പ്രവർത്തനം മികവിൽ 75.79 പോയിന്റും നേടിയാണ് കേരള സർവകലാശാല മികച്ച സർവകലാശാല ആയത്. വിവിധ രംഗങ്ങളിൽ മികച്ച പ്രകടനം കാഴ്ചവയ്ക്കാൻ കേരള സർവകലാശാലയ്ക്ക് കഴിഞ്ഞതിലുള്ള അംഗീകാരമാണ് ഈ റാങ്കിംഗ് എന്ന് വൈസ് ചാൻസലർ അറിയിച്ചു. | Posted on : 16.09.2020 07:28 PM

സെപ്റ്റംബര്‍ 8 മുതല്‍ പുനഃരാരംഭിക്കുന്ന CBCSS & CR-CBCSS കോഴ്സുകളുടെ പരീക്ഷകള്‍ക്ക് കേരള സര്‍വകലാശാല പരിധിക്ക് പുറത്തുള്ള ജില്ലകളില്‍ പരീക്ഷാകേന്ദ്രങ്ങള്‍ ഉണ്ടായിരിക്കുന്നതല്ല. സര്‍വകലാശാല പരിധിക്ക് പുറത്ത് താല്ക്കാലിക പരീക്ഷാകേന്ദ്രങ്ങള്‍ തെരഞ്ഞെടുത്ത് പരീക്ഷ എഴുതിയ വിദ്യാര്‍ഥികള്‍ അവരവരുടെ കോളേജുകളിലോ സൗകര്യപ്രദമായ സര്‍വകലാശാല പരിധിയിലുള്ള ഏതെങ്കിലും ആര്‍ട്സ് & സയന്‍സ് കോളേജോ പരീക്ഷാകേന്ദ്രമായി തെരഞ്ഞെടുക്കേണ്ടതാണ്. ഈ വിദ്യാര്‍ഥികള്‍ അവരവരുടെ candidate code, programme & core subject, parent college, new college opted, പരീക്ഷ വിഷയങ്ങള്‍ എന്നിവ ക്രമമായും വ്യക്തമായും കാണിച്ച് അപേക്ഷകള്‍ e-mail ആയി സെപ്റ്റംബര്‍ 3 -ന് തന്നെ സമര്‍പ്പിക്കേണ്ടതാണ്. വൈകി ലഭിക്കുന്ന അപേക്ഷകള്‍ പരിഗണിക്കുന്നതല്ല. അപേക്ഷകള്‍ അയക്കേണ്ട e-mail വിലാസം. CBCSS - drcbcs2@keralauniversity.ac.in CR-CBCSS- ares@keralauniversity.ac.in സര്‍വകലാശാല പരിധിയില്‍ നേരത്തെ പരീക്ഷാകേന്ദ്രം മാറ്റി പരീക്ഷ എഴുതിയ വിദ്യാര്‍ഥികള്‍ അതതു കേന്ദ്രങ്ങളില്‍ തന്നെ പരീക്ഷ ഏഴുതേണ്ടതാണ്. | Posted on : 02.09.2020 12:30 PM

തിരുവനന്തപുരം കോര്‍പറേഷന്‍ പരിധിയില്‍ ട്രിപ്പിള്‍ ലോക്ക്ഡൌണ്‍ കാരണം ജൂലൈ 6,8,10 തീയതികളില്‍ മാറ്റിവച്ച നാലാം സെമെസ്റ്റര്‍ ബിരുദാനന്തരബിരുദ പരീക്ഷകള്‍ (അഫിലിയേറ്റഡ് കോളേജുകള്‍) യഥാക്രമം ഓഗസ്റ്റ്‌ 21, 24, 26 തീയതികളില്‍ രാവിലെ 9:30ന് അതതു പരീക്ഷാകേന്ദ്രങ്ങളില്‍വച്ച് നടത്തുന്നതാണ്. കോവിഡ് 19 കാരണം ജൂലൈ 6,8,10 തീയതികളില്‍ ഈ പരീക്ഷ എഴുതാന്‍ കഴിയാത്ത തിരുവനന്തപുരം കോര്‍പറേഷന്‍ പരിധിയില്‍ അല്ലാത്ത മറ്റു വിദ്യാര്‍ഥികള്‍ക്കും ഈ അവസരം ഉപയോഗിക്കാവുന്നതാണ്‌. ജൂലൈ 1,3 തീയതികളില്‍ നടന്ന നാലാം സെമെസ്റ്റര്‍ ബിരുദാനന്തരബിരുദ പരീക്ഷകള്‍ കോവിഡ് 19 കാരണം എഴുതാന്‍ കഴിയാത്ത വിദ്യാര്‍ഥികള്‍ക്ക് ഈ പരീക്ഷകള്‍ യഥാക്രമം സെപ്റ്റംബര്‍ 7,9 തീയതികളില്‍ സര്‍വകലാശാല പരിധിയിലുള്ള അഫിലിയേറ്റഡ കോളേജുകളില്‍ എഴുതാന്‍ അവസരം നല്‍കാന്‍ സര്‍വകലാശാല തീരുമാനിച്ചു. ഈ പരീക്ഷ എഴുതാന്‍ ആഗ്രഹിക്കുന്ന വിദ്യാര്‍ഥികള്‍ ku.controller@keralauniversity.ac.in എന്ന ഈ മെയിലിലേക്ക് ഓഗസ്റ്റ്‌ 20ന് വൈകിട്ട് 3മണിക്കകം അവരവരുടെ പരീക്ഷാ സംബന്ധമായ വിവരങ്ങള്‍ (main,subject,candidate code,opted centre ) അറിയിക്കേണ്ടതാണ്. | Posted on : 19.08.2020 10:22 AM

Home

Information Corner

News

Announcements

News

Home

Information Corner

News

Announcements

News

2024

2023

2022

2021

2020

2019

2018

2017

2016